8/10沙田馬場國慶紀念賽

2000m草地
場地良好,馬匹狀態十足,一開閘,各馬匹都彈閘而出,一字排開,而旺財先生及同興旺仍然係用以往的戰術--放頭,

跟著後面的有傅說貂、特威靈駒、剎加戰神及臨行等,包尾有中央突破、無情肥狗、賽巴斯達及好鍾意.
位置不變,到轉入大直路後,中間馬群好似操兵咁分成兩排,

前排有剎加戰神,臨行,超大口仔及傅說貂,

後排有激戰,愛寵兒,中央突破,勁大口仔及陽圭菲等.

後排馬匹在前路受阻之下未能找到有利位置發力,絕對領域在內檔坐著包箱中的包箱,而激戰更被撞出大外檔.場面混亂,

勁大口仔經過一番苦功才能找到空位殺出
到最後二百米,旺財先生依然領前四五個馬位,滿以為會再一次戰術成功,但特威靈駒,臨行及勁大口仔越追越近,

先過了同興旺,最後三匹馬一同衝終點,

影相後,特威靈駒得第一,旺財先生保著第二,臨行得第三,

勁大口仔只得第四